Bullet proof Motor a cit, Security motor 3 nih a congh ko bu ah zetin dah an thah khawh?

Bullet proof Motor a cit, Security motor 3 nih a congh ko bu ah zetin dah an thah khawh?

Bullet proof Motor a cit, Security motor 3 nih an congh ko bu ah zetin dah an thah khawh? Iran nuclear scientist Mohsen Fakhrizadeh cu 2020Nov27 ah motor in a kal lio ah an kah i sizung a phak hnu in a thi. A cit mi Motor hi Bullet proof (Meithal kuan nih teih lo mi) asi leng ah Security motor 3 nih an zulhpeng nain a luat lo.

Remote-controlled weapon an hmang. Nissan motor ah an chiahcia I farlong5 hrawng a hlatnak in an control. Mohsen Fakhrizadeh Motor cu bullet proof asi i a motor an kah mi cu a theih lo caah a chuak I a zoh. Cu lio ah cun Lam pawng ah a dir mi Nissan motor ah an chiahmi meithal in an kah i Nissan motor zong cu a puak beh. Iran nih hin Mohsen Fakhrizadeh hi mipi sin ah an langhter tuk lo i, University professor sawhsawh long in mipi nih an theih. Asinain Iran nuclear project cu a mah nih a tlaih dih caah Iran caah cun a biapi taktak mi minung a rak si. Cu ruang zong ah cun security tha taktak in an lak pengnak zong asi. A thih hnu in cu Iran caah a nunnak a pe mi martyr asi tiah an conghlawmh.

Isreal nih  hi pa hi an rak ngiatnak asau cang ti a fiannak cu, Isreal Prime minister Benjamin Netanyahu nih 2018 Iran nuclear kong a chim lio ah Mohsen Fakhrizadeh cu a min hlir bak in a rak chim bal cang. Tu kum chung ah US nih Iran nih an bochan taktak mi Qasem Soleimani zong an rak thah. Iran nih cun lehrulhnak fakpi kan tuah lai tiah an ti. Israel Prime minister Benjamin Netanyahu nih cun Mohsen Fakhrizadeh thihnak kong ah kanmah zeihmanh kan thei lo nain hihi Iran caah ningzah awk ngai asi tiah a chim chih.

Leave a Reply

Close Menu