Covid-19 Emergency thlopnak sii Remdesivir le Avigan

Covid-19 Emergency thlopnak sii Remdesivir le Avigan

Japan nih tu thla chung ah Remdesivir le Avigan cu Covid-19 thlopnak caah hman khawh ding ah an fehter cang lai. Sii pakhat hi zawtnak pakhat ah hman awk a that le that lo hi a tlawmbik kumkhat research an tuah hnu lawng ah fehter phung asi nain Covid-19 hi thlopnak le khamhnak sii (vaccine) an chuah khawh rih lo caah Remdesivir ( Ebola thlopnak sii) le Avigan ( Influenza sii) cu Emergency in hmanding an tinak hi asi.

Remdesivir – cu ebola zawtnak thlopnak caah US hrambunh Gilead company nih an rak ser mi asi i US Food and Drug Administration nih 2020 May 1 ah emergency in Coronavirus thlopnak caah an fehter mi asi. US nih an fehter hnu in japan zong nih Remdesivir cu Covid-19 thlopnak caah fehter an ni timh hi asi. Remdesivir hi Kal ( kidney) caah cun a tha lo i side effects hi ralrin taktak a hau tiah Professor Morishima Tsuneo nih a chim.

Avigan – Avigan cu Favipiravir ti zong in an auh i japan nih an tih ngai mi influenza zawtnak ah an hman mi asi i a luan cia kum 6 hlan ah khan Japan sii company asi mi Fujifilm Toyama Chemical Company nih an rak sermi asi. Avigan sii hi Tuluk i Covid-19 in a zaw mi hna sin ah an rak hman mi tampi an dam tiah Tuluk researchers pawl nih an chim. A tu ah vawlei cung ram 80 leng nih Avigan hi japan sin ah an hal nain ram 43 long ah UN Tawlrelnak in kan thlah kho rih lai tiah Japan health minister Kato Katsunobu nih a chim.

 

Leave a Reply

Close Menu