Drone kahthlaknak kong ah emergency meeting

Drone kahthlaknak kong ah emergency meeting

Iran nih US drone a kahthlak mi ruang le lehrulhnak caah emergency meeting an tuah lai. President Trump nih Iran nih palhnak nganpi a tuah tiah a chim. Zeitindah na lehrulh lai tiah an hal tik ah ” can phanh tik ah nan hmuh te lai”  tiah a ti hna.

Meeting ah Acting Defense Secretary Patrick Shanahan, Acting Defense Secretary Mark Esper le Secretary of State Mike Pompeo le Upa vialte an ni tel lai. resident nih cun Iran nih palhnak nganpi a tuah cang tiah a ti.

State news agency IRNA nih a chim ningah cun mah US spy drone an kahmi hi RQ-4 Global Hawk a si. Zeiruangah dah RQ-4 Global Hawk hi kan kah ti ah cun Kouhmobarak district i Iran’s airspace redline chung a rak luh ruangah a si tiah an chim.

US hi Iran redline chung ah kan lut bak lo tiah an chim nain, Iran ralkap IRGC commander-in-chief Maj-Gen Hossein Salami nih cun US hi lih long a chim i ralring uh a ti chap.

US drone Iran nih a kah hi ( 23:35 GMT, Cawn ni 3 ni , 04:05 Iran time) ah a si. Kan hnuzarh ah Ziinan phor mi tilawng a kangh lio ah bomh ding in a kal mi US Drone cu Iran nih kah thlak an timh cang nain an kheng kho lo.

 

Leave a Reply

Close Menu