Hakha siizungpi nih kumkhat chungah minung 30 HIV zawtnak a ngeimi an hmuh.

Hakha siizungpi nih kumkhat chungah minung 30 HIV zawtnak a ngeimi an hmuh.

Hakha siizung ah kumkhat chungah HIV zawtnak a ngeimi minung 30 ahmuh hna tiah thawng kan theih.
Kum 2018 , January thla in December thla kar lak tiang ah hakha siizungpi ah zawtnak a rak i piak mi pawl le thihlut dingin a ra mipawl thi checknak an tuahmi hna chungin minung 30 nih HIV zawtnak a ngei mi an hmuh hna cu a si.

“Mah hihi kumkhat chungah minung (5446) an thi kan check mi chungah minung 30 nih HIV zawtnak an ngeih kan hmuhmi hna an si i C le B zawtnak a ngeimi kan hmuhmi hna zong tampi an um rih “tiah Hakha siizunguk Doctor Mang Biak Kung nih a chim.


“Kum 2018 kum chungah thi a rak i check mi minung (5440) chungin C le B zawtnak a ngeimi minung (228) kan hmuh rih hna “tiah Doctor Mang Biak Kung nih cun a ti.
HIV/B le C zawtnak hi pakaht le pakhat i chawnh a rang fawituk mi zawtnak a si i . Mah hmanh hi siizungah an rak i check mi chunglawng in an hmuhtheih khawh mi hna lawng a si rih. A lenglei ah zawtnak a ngeimi minung zeitluk in dah an tam rih nga ruah ah cun thinphang a si ko.


  B zawtnak le C zawtnak hi cu zuu a dingmi mino nih hin ngeih a fawi tuk mi a si. cheuckhat mi hna cu zuu dintii nak ah zuuhrai an i hrawm tii tibantuk ah hin an i chawnh theu tawn. Kuakzuk tii tibantuk zongin kan i chawnh fawi ngaimi a si caah tuah loding in kan i ralrig ngaingai a hau.
A si khawh chung in B le C zawtnak (ကာကြယ္ေဆး) i khamnaksii hi kan i chunh pah lengmang awk a si.

Leave a Reply

Close Menu