Iran nuclear lei bochan bikmi Scientist Mohsen Fakhrizadeh an thah!

Iran nuclear lei bochan bikmi Scientist Mohsen Fakhrizadeh an thah!

Iran nuclear lei scientist thiamsangbikmi Mohsen Fakhrizadeh cu 2020Nov27 ah motor in a kal lio ah an kah i sizung a phak hnu in a thi. A kap tu hna hi hoset ansi theih asi lo nain, Iran nih cun Isreal ansi tiah an puh colh hna. Isreal nih kanmah kansi an ti ve lo. Hlat hlainak kan tuah lai i Isreal nih an tuah mi asi sual ah cun Iran nih Isreal ram Haifa hi teirul chamnak ah kan kah lai tiah Iran Kayhan Newspaper nih an langhter.

Mohsen Fakhrizadeh hi a thih hlan ah cun mipi nih an thei tuk lo mi asi nain Iran nuclear serchuahnak ah cun a bik in tuan vo ngei le mifim asi. Amah hi Iran ram Imam Hussein University ah Physics professor atuan lio mi zong asi. Iran Supreme Leader Ayatollah Ali Khamenei zong nih Mohsen Fakhrizadeh that tu kan ral hna cung ah fakpi in teirul kan cham lai tiah a chim.

Isreal nih  hi pa hi an rak ngiatnak asau cang ti a fiannak cu, Isreal Prime minister Benjamin Netanyahu nih 2018 Iran nuclear kong a chim lio ah Mohsen Fakhrizadeh cu a min hlir bak in a rak chim bal cang. Tu kum chung ah US nih Iran nih an bochan taktak mi Qasem Soleimani zong an rak thah i 2020 cu Iran caah cun sungh zatlak kum taktak asi.

 

 

Leave a Reply

Close Menu