Japan sermi Hayabusa-2 spacecraft nih vawlei in 190million miles a hlatnak ah a um mi vawlei hme ( asteroid Ryugu) in sample pawl a tlun pi.

Japan sermi Hayabusa-2 spacecraft nih vawlei in 190million miles a hlatnak ah a um mi vawlei hme ( asteroid Ryugu) in sample pawl a tlun pi.

Japan sermi Hayabusa-2 spacecraft nih vawlei in 190million miles a hlatnak ah a um mi vawlei hme ( asteroid Ryugu) in sample pawl a tlun pi. Asteroid Ryugu ah kumkhat le cheu chung can a va hman hnu in Lung le valeidip a tel mi a sample kuang cu 136,700 miles a hlatnak in vawlei ah a rak thlak i a mah Hayabusa-2 cu a dang esteroid lei ah kum 10 mission in a lan than. Asteroid  “2001AV43” asilo le “1998KY26” a va lehla te lai. A rak thlah mi sample bom cu 2020 Dec 6 ah khan Australia ram ah a tla i tha tein an lak khawh in Japan ah an rak tlunpi cang.

Hayabusa-2 vanlawng cu asteroid ryugu lei ah JAXA (Japan Aerospace Exploration Agency) nih 2014 Dec 3 ah an thlah. Asteroid ryugu hi a vawlei umtu ning a ciantuk caah a voikhatnak ah a tum kho colh lo i 2018 June thla lawng ah tha tein landing a tuah kho. Kumkhat le cheu chung estaroid ryugu ah can a va hmang i a rak kir than hi asi. Ryugu timi cu japan holh asi i“Dragon Palace” tinak asi.  Treasure box tiah an auh mi sample kuang cu Tokyo pawng, Sagamihara i JAYA center ah an tlunpi i japan scientist pawl nih kumkhat chung an zohfel hnu ah NASA scientist sin ah a cheu an pek ve te hna lai i 40% cu hmailei lehlanak caah Japan nih an ni chiah lai

Atu bantuk in vawlei hme asteroid lehlanak an tuah khawh hi japan caah cun i uanthlar pi awk hrim asi tiah project’s manager, Yuichi Tsuda nih a chim. Hi lehlanak thawngin vawlei le a dang vawlei an ni pehtlaining, Esteroid le vawlei hmailei ah an ni pah (colide) kho maw timi tiang hi zohfelnak kan ngei kho lai tiah kan ni ruahchan tiah a chim chih.

Leave a Reply

Close Menu