Mother Teresa special assistant a rak tuan ton mi pa cu mi nih an velh ruang ah a nunnak a liam

Mother Teresa special assistant a rak tuan ton mi pa cu mi nih an velh ruang ah a nunnak a liam

Mother Teresa i special assistant a rak tuan piak tu Mark Bloomfield, 54, cu UK ram Wales ah mi nih an velhnak in a nunnak a liam. Zei ruang set ah dah mi nih an velh timi cu police nih an langhter rih lo.

Mi veltu ansi tiah ruah mi mi 2 cu an kherh hlai hna hnu ah Colin Thomas Payne, kum61 pa cu velhnak he pehtlaih in an tlaih i a dang pawl zong kan kawl cuahmah hna tiah South Wales police nih an chim.

Bloomfield hi England ram Stratford-upon-Avon ah a um mi asi nain mission le charity rian a tuan ruang ah ram kip hmun kip ah a kal i England ah hin khua a sa tuk lo.

India ram Calcutta ah Mother Teresa special assistant a tuan pah in sianginn pakhat a tuah i nu pawl nih biatak tein ca an cawn khawhnak caah a rak i zuam. Africa ram zong ah charity rian tampi a rak tuan.

Bloomfield hi zei ruang ah mi nih an velh ti mi cu South Wales police nih an langhter rih lo nain an hlat hlai cuahmah lio asi.

 

Leave a Reply

Close Menu