Northeast Nigeria ah Boko Haram ralhrang nih lothlo minung 40 leng an thah hna!

Northeast Nigeria ah Boko Haram ralhrang nih lothlo minung 40 leng an thah hna!

Northeast Nigeria Borno state ah lothlo pawl a tlawmbik minung 40 leng cu Boko Haram ralhrang nih an thah hna. An thah mi hna chung ah hin ngatlai pawl zong an ni tel i a thi mi dihlak hi minung 60 hrawng ansi lai tiah an ruah. kan hnuzarh zarhte ni ah Borno state Garin Kwashebe ah thimnak an tuah lio ah ralhrang nih phaisa an hal hna i an pek khawh hna lo caah an thah hna hi asi tiah an chim.

Borno state i nawlngeitu asi mi Ahmed Satomi hruainak in a thimi hna ruak 44 cu nizan zarhpi ni ah khan an vui hna. Northeast Nigeria ah hin Boko Haram long silo in IS pawl zong an colcang. Nigeria President Muhammadu Buhari nih cun hi bantuk i lothlo pawl thahnak hi fakpi in doh i lothlo pawl run vennak caah asi khawh chung in ka zuam lai tiah a chim.

Leave a Reply

Close Menu