Pastor David Lah Covid-19 positive asi hnu in Vice president zawtnak an test ve lai.

Pastor David Lah Covid-19 positive asi hnu in Vice president zawtnak an test ve lai.

Vice President Henry Van Thio le a chungkhar cu Covid-19 test nak an tuah hna lai. kawlram hlasakthiam Myo Gyi le Pastor David lah cu Covid-19 zawtnak an ngei timi thawng a than hnu in Vice President le Pastor David Lah an thut tinak hmanthlak cu online ah an rak langh ruang ah Vice President ngandamnak lei in thin phang in an um.

Asinain, mah hmanthlak cu February ni 9 lio ta hmanthlak asi i kawlram ah virus an hmuh hmasabik hi March thla 23 ah asi. Mah hnu ah Vice president le Pastor David Lah an ni tong ti lo. Asinain mitam pi an thin phan ruang ah Vice president le a dang mi 30 cu zawtnak kan chek hna lai tiah U Zaw Htay nih a chim.

Yangon khua i 8 Mile ah a ummi biakinn ah March thla thih lei thawk ah khan Pastor David Lah le Myo Gyi te nih Dream Ministry timi Facebook Page hmang in Pathian thangthatnak Live an thlah tawn.

Anmah sin ah aa pum i, Keyboard a tummi tlangval pate cu COVID-19 a ngei (Case 34) tiah fehter a si hnu ah a dang aa pummi pawl zong zawtnak an i chonh dihmi an hmuh hna.

Pastor David Lah pumpak le Myo Gyi zong COVID-19 zawtnak an i chawn ve pin ah anmah sin ah aa pummi minung tam u zawtnak an ngei dih.

Yangon ramtthen chung COVID-19 zawtnak khenkhamtu bu nih Pastor David Lah telh in pumhnak a thi hruai tu minung 4 cu Mayangone palik zung le Insein palik zung ah taza kan cuai hna, tiah April 14 ah phungning in thawng an thanh.

Leave a Reply

Close Menu