PRESIDENT TRUMP LE BIAKNAK LEI NAMNEH A TONGMI PAWL TON BIARUAHNKA AH KAWLRAM IN MINUNG PA 4 AN I TEL VE…..

PRESIDENT TRUMP LE BIAKNAK LEI NAMNEH A TONGMI PAWL TON BIARUAHNKA AH KAWLRAM IN MINUNG PA 4 AN I TEL VE…..

An khua le ram cio ah Biaknak lei in hrem le namneh sawh a tongmi ram 17 chungin a rak zam kho mi minung pa 27 cu july 10 ni ah american president Donal Trump nih inn rangpi ah ton  biaruahnak a ngeih hna. cu cungah kawlram lei in minung pa 4 an i tel kho ve.Iraq ram ah IS nih an rak hrem i thideng tiangin a rak tuar mi nu  2018 kum  nobel prize a hmutu Yezidi Nadia Murad zong aa tel ve.

US president Tump nih “vawileicung nuhrin covo ,mah le biaknak cio ah zalong tein biak khawh nak cu American cozah nih biak tak tein kan dirpi timi langhter nak ah kan tuahmi a si “tiah a ti.

Biaknak lei i hrem le nehsawh tonnak kong ah Kachin Baptish convention i an General secretary Dr.Samson Hkalam nih President Tump sin ah kachin ram chung i biaknak lei in nehsawh le hrem an tonnak tete cu a hmasa bik ah chimh kawhnak caan a hmu hmasa.

“kei mah cu myanmar ram chung i kachin ram khrihfa baptish in a ra mi ka si. kan kawlram ah hin kawl ralkap cozah nih khrihfa mi cungah nehsawh nak, tleih le hrem nak  fakpi in an kan tuah. Zalong tein Pathian thangthat nak covo zong a kan pe duh lo.cu lengah tlangcungmi hriamtlai pawl kawl ralkap nih an rak tukdoh zungzal. cu caah American cozah nih hin  tlangcungmi hruaitu pawl zawnruah hmasa in kan mah tein zalong tein i ukkawhnak kan hmuh khawh nak nga US cozah nih fakpi in na kan dirpi le  na kan bawmh aherh ko.” tiah Dr.Samson Hkalam nih Pu TRump sin ah a chim.

cuhnu ah ramdang cio in a ra ve mi nih an mah le ram ah hrem le namneh an tongnak kong cu Pu Trump sin ah chim nak an ngei cio ve hna.

 

 

 

 

Leave a Reply

Close Menu