Shan hriamtlai phu an sual chin. Mipi tlaih in phaisa hal in a um!

Shan hriamtlai phu an sual chin. Mipi tlaih in phaisa hal in a um!

Shanram Mukoh myone ah khuasa mi SP Bakery dawr ngeitu mirum pa U Khaw Win cu Shan hriamtlai phu TNLA pawl nih December 4,2020 zing ah khan an tlaih lio CCTV video in a lang. TNLA nih mipi nunnak tlerh in phaisa hal hi a rak tam ngai cang.

Zing sml 8:33 CCTV video ah a langh ning ahcun U Kyaw Win le minung pakhat cu lam an leng. SUV Motor black pakhat a rak ra. Cu tlawmpal ah Motor pakhat a rak phan colh ve i minung 3 nih U Kyaw Win cu an tlaih. Cu hnu ah Motor chung ah an khumh i U Kyaw Win a hawipa tu an tlai lo. Kyaw Win cu Motor cun an kalpi colh. Can sau nawn a rauh hnu lawng ah U Kyaw Win cu kanmah nih kan tlaihmi asi tiah TNLA hriamtlai phu nih an chim. A nunnak le ngandamnak ca cu phan awk a um lo tiah TNLA lutlai asi mi TarBungKyaw nih a chim.

TNLA nih mipi tlaih in phaisa an hal hna hi a tampi ko nain an nunnak tih a nun caah an chim ngam cio lo. Kum50 hrawng asi cang mi nu zong ting60 an hal i a pek khawh hna lo caah an hrem chih. TNLA cu ramdaihnak minthu phukhat ansi ve i hi bantuk an tuah mi nih hin ramdaihnak an tuah cuahmah mi a hnuarsuan kho.

Leave a Reply

Close Menu