South Korea pial sual prophet nu Shin Ok-jung cu thong kum6 an thlak!

South Korea pial sual prophet nu Shin Ok-jung cu thong kum6 an thlak!

South Korea biaceih zung nih, Grace Road Church founder nu Shin Ok-ju cu kum 6 thawng tla ding in bia an chah piak.

Shin Ok-ju, Grace Road Church founder nu hi prophet bantuk in a um mi asi i zultu minung 400 leng a ngei. Hi minung 400 hi group in an um i group in chuah an ni timh ah cun khuachia chuahpiak na hau tiah a ti hna i thazang in a hrem hna.

A zultu pawl hi vawleicung ramkip in ansi i, a sin an phanh in an passport hi a mah nih a fim piak dih hna i chuah an duh zong ah an chuak kho lo. Cu leng ah, a zultu pawl hi South Korea i Suva khua ah rian hrang (construction)a tuanter hna.

Grace Road Church founder nu Shin Ok-ju hi Church a dirh hnu in Fiji ah construction company a tuah chih i a zultu hna hi rian a tuanter hna tiah tiah BBC nih a phuan.

Shin Ok-ju i a prophet phuan mi cu, vawlei cung ah mangtam fak taktak in a tlung lai, a mah le a zulh tu hi South Korea ram Fiji ah hin mangtam in kan luat lai tiah a ti i a zultu pawl hi 2014 ah Fiji ah a thial pi hna.

South Korea ah hin Khrihfa biaknak zong an karh, mission rian zong an tuan kho ngai nain biaknak thalo, pial sual, (cult) pawl zong an tam i an karh chin lengmang ve.

Leave a Reply

Close Menu