Thilfa tein thawk ko!

Thilfa tein thawk ko!

Thilfa tein thawk ko!


Minung hi aho poah zei thil kan tuah tik poh ah khuaawng pem le teinak hmuh kan duh dih. A si khawh cun a tu tuah i a tu ah a theipar zuun colh kan duh dih . Hi kan ruahnak hi a palh maw ? Kan ti ah cun a palh lo . Minung pei kan si ve fawm cu.
A si nain , Vawleicung cu a mah le thil sining tein a kal mi a si. Vawilei kalning phung zongin a si thaim theng lo.

A tu tuh i a tu ah zuun colh ti cu Thil har ngai mi khi a si. A ho hringtu nu le hmanh nih nihin fapawi i thaizing ah fa hrin colh kho an um lo.zei tluk in dah fapawi tihi a har lai ti cu pa hmanh nih zohnak in kan i fiang ko lai dah…a si khawh ah cun naupawi nu hmah nih cun nihin pawi i thaizing hrin colh cu a duh ve ko lai. Asinain , a chung nausem ngandam nak caah le tlamtling tein a chuah khawh nak nga ca ah cun thla 9 cu a pawi a herh .


Vanlawng zong van ah pe 1000 pe 10000 sang pi in a zuan khawh nak ding caah cun vawlei ri in thazaang tampi lak in a tlik ta a hau ve.
Cu ve bantuk in zeithil kan tuah mi poah ah hin khua awng pem le teinak hmuh kan duh a si ah cun, thilfa tein  i thawk i a caan hngah khawh hi a biapi ngaingai mi a si.

Kan thil tuah mi hi thil fa te  in kan thawk kan dirh ko lai. Kan i timhmi Teinak zong hmuhrih loin caan sau ngai kan rau rih ko lai. A sinain kan lung dong hlah seh. “Teinak timi cu a lung sau mi ca lawngah a si “tiah American president hlun abraham lincoln zong nih a rak ti.

Vanlawng zong a cungsang pi ah a zuang khawhnak ding caah cun vawlei ah a tlik piak ta hau ve. Minung zong ke hnih in kan kal khawhnak dingah cun bawh buin kan rak thawk ve. Zei thil poah hi a hram an ngei i . A hram in an i thawk dih.

Company lianpi zong rian fa tein aa thawk ve , kei mah tah zei tluk in dah caan pek ka herh rih? zei tluk in dah thazaang chuah in i zuam rih ka herh ti tu hi kan i ruah awk a si. Thil fate poah hi man an ngei dih i zei rel lo le thachia in um hlah usih.

Thil fate ah A poi lo kan rak timi kha a rak poi tuk theu tawn . Cu caah , thil fate kan rian a si zong ah upat usih . Thil fate le a hram poh hi an mah le caan sining kal in mansung an ngei dih .thil fate poah ah upat le hmaizah i zuam hna usih. Carel tu nan zapi cungah kaa lawm.

 

Leave a Reply

Close Menu