WHO nih a rian tha tein a tuan lo : President Trump

WHO nih a rian tha tein a tuan lo : President Trump

President Trump : US nih WHO (world health organization) sin a pek tonmi phaisa cu ka ngol lai a ti cang. WHO nih an rian an tuan lo, WHO nih vawleipi ngam damnak hi ramkhel hoih in an tuan tiah a ti.

December ah China nih WHO ah  zawtnak thar kan hmuh, minung le minung i chonh khawh mi tihnung asi tiah  thawng a thanh ko nain WHO nih biatak in an rak hlat hlai lo.  Tuluk nih a chimh mi pawl long kha a rak ngai.  Tuluk cozah  nih mah zawtnak kong thawngpang hi mipi sin a phak lonak ding an rak i zuam caah Doctor Li Wenliang zong thong an rak thlak i a hnu ah Coronavirus zawtnak in a thi beh.

US ram hi  WHO ah kum fatin phaisa tambik a pe mi asi. Ram thangcho asi mi Tuluk nih $40million long an pek lio ah US nih cun $400 million a pek. Buaktlak in tuak ah cun WHO ah 15% hi US asi. WHO nih an rian an tuan lo caah hi phaisa hi a dang a herhdeuhnak ah a kal lai tiah a chim chih.

American Medical Association (AMA) nih President Trump cu vawleipi nih zawtnak faktuk in a ton lio can ah US nih WHO ah fun a ngol asi ah cun COVID-19 hi tuan ah kan tei kho lai lo caah ruah than ding in an nawl.

 

Leave a Reply

Close Menu